Tuesday, August 16, 2016

දින පොතකි මුහුණු පොත පිටු කැඩී විසිරෙච්ච......

පරිගණක තිරය මත
තාරුකා විසිරිච්ච
ට්‍රයිඩැක්ස් මල් සමඟ
තවත් මල් පීදිච්ච

මුහුණු පොත් පිටු පුරා
ආදරේ ඉතිරිච්ච
නුඹේ කවි හිත ගාව
පාළුවක් නොදැනිච්ච

හිරු ඇවිත් යන තුරුම
නිනව්වක් නැතිවෙච්ච
අපේ ලොව අපි දෙදෙන
විතරක්ම තනිවෙච්ච

ඔන්ලයින් ප්‍රේමයක
අපේ හිත් පැටලිච්ච
දිනපොතකි මුහුණු පොත
මකරන්ද ඉහිරිච්ච

කවි ලකර කඳුළු වී
දෙනෙත් අග දැවටිච්ච
මරණීය සීතලක
උණුහුමෙන් මියැදච්ච

විදුලියක වේගයෙන්
හදවතම නැවතිච්ච
කවියකින් මුණගැහී
කවියෙනම වෙන්වෙච්ච

ඉකි ගගහ අඩ අඩා
මගේ හිත වැලපිච්ච
කවි හිතක් විතරක්ම
දී ඔයා නික්මෙච්ච

කවුරුවත් නැති ලොවක
සිතින් මා තනිවෙච්ච
දින පොතකි මුහුණු පොත
පිටු කැඩී විසිරෙච්ච......

2 comments:

  1. අරුත් බර තාල පද නිතිපතා පීදිච්ච
    හැගුම්වැල් කිසිවිටත් හදවතට නොදැනිච්ච
    මුහුනු පොතෙ හමුවුවත් හැබෑවට වෙන්වෙච්ච
    නුඹෙන් වෙන්වූ මමත් මේ ලොවේ තනිවෙච්ච...
    අපූරුයි.

    ජයවේවා!!!


    ReplyDelete
    Replies
    1. ස්තූතියි දුමින්ද, ඔයාගේ කවියත් හරිම ලස්සනයි :)

      Delete