ආදරය මුලාවක්

ආදරය මුලාවක්

සොඳුරු අත්වැරැද්දක්

හදවතම වෙලාගත්

අදුරු වැහි වළාවක් 

පුරාවට දෙවසරක්

දුක් කඳුළු මහමෙරක්

සීරුවට ගෙනත් දුන්

නපුරු භාවනාවක්

ලෙසින් දුක් හිනාවක්

හද දවන රටාවක්

ලොවෙන් මා දුරස් කළ

නුහුරු කල්පනාවක්

ආදරය මුලාවක්

සොඳුරු අත්වැරැද්දක්

ජීවිතය දෙකඩ කළ

රුදුරු වේදනාවක්

වැලන්ටයින්

නිමාවුණු නොවැම්බර් සිසිලක

මතකයන් හොර හොරෙන් අරගෙන

පෙම්වතුන්ගේ දිනය ඇවිදින්

ඉකිබිඳින දුකක හැඩ නොදැකම

කඳුළකින් බොදව ගිය යුගයක

පෙති හැලී මිලින වුණ කවියල

ශේශ මල් හොර හොරෙන් සිඹිමින්

සිත සොයයි අතීතේ වගතුග

හදවතේ පතුළකම සැගවුන

ආදරය හීනියට දළුලන

පෙම්වතුන්ගේ දිනය ඇවිදින්

නොවැම්බර් මතකයක් අරගෙන...