Monday, February 1, 2016

පොත් තබා මොහොතකට

පොත් තබා මොහොතකට
යමුද අපි ඇවිදින්න
පොතක නොවු බොහෝ දේ
හැකිවේවි කියවන්න

සීතලට එතීගෙන
යන සුළඟ විදගන්න
දිය පාර කපාගෙන
ඉරක් සේ පීනන්න
.
පිපී හිනැහී දිලෙන
මලක පෙති සිපගන්න
ඉපල් වූ තුරු පතක
සර සරය අහගන්න

මිමෝසා පත්‍රයක
රැදුනු පිනි දැකගන්න
වැලි පොළොව මත දැනෙන
මුදු සුවය විදගන්න

ලහිරු රැස් මැද එබෙන
දේදුන්න දැකගන්න
කුහුඹුවෙකු තණ පතක
ලියන කවි කියවන්න

පොත් තබා මොහොතකට
යමුද අපි ඇවිදින්න
පොතක නොවු බොහෝ දේ
හැකිවේවි කියවන්න.............