නුඹව අමතක නොවෙන හැටි....!!!!

ඇහැල මල් ගොමු පිපුණ හැටි
විහඟ ගී සර නැගුනු හැටි
වසන්තේ එක් සොඳුරු දිනයක
මගෙ ලොවට ඔබ ආව හැටි....

මුවග සුසුමන් නැගුනු හැටි
නෙතින් කදුළැලි ගලපු හැටි
නිමක් නැති දුක් පිදුම් ලැබුවද
ආදරේ මියනොගිය හැටි....

හිනා මල් බිම වැටුණු හැටි
හදවතම ගල් ගැහුනු හැටි
ජීවිතෙත් හරි අඩක් අරගෙන
නුඹ මගෙන් දුර ඇදුනු හැටි...

අතීතය මියඇදෙන හැටි
ජීවිතය යළි ගලන හැටි
කොතෙක් තරු කැට අහසෙ දිලුනත්
නුඹව අමතක නොවෙන හැටි....