Monday, June 20, 2016

ඒ කාලෙ... හොඳම කාලෙ

ඒ කාලෙ 
හොඳම කාලෙ
ජීවිතේ... 
විඳපු කාලෙ

හොඳම යාළුවො
හිටිය කාලෙ
එකම බත් පත
රස බැලුව කාලෙ...

ආකහේ ඉරාගෙන
පියෑඹුව කාලෙ
හේතුවක් නැතුවත්
හිනාවුන කාලෙ

ඇහැල ගස් වල
මල් පිපුන කාලෙ
වසන්තය නාවත්
තුටින් හිටි කාලෙ

උදෑසන රැස්වීම
මගෑරිය කාලෙ
ප්‍රින්සිපල් දකිද්දිත්
බය හිතුනු කාලෙ

සුදු ගවුමෙ දැවටිලා
දඟ කරපු කාලෙ
ආයෙමත් එන්නෙ නැති 
සුන්දරම කාලෙ

ඒ කාලෙ
සැහැල්ලුම කාලෙ
ජීවිතේ 
විඳපු කාලෙ...

13 comments:

  1. සමනළ රෑනක් සේ ඉගිලී
    අකුරට ගිය පාසැල් කාලේ
    ආයෙත් එනවානම් අපෙ දිවියට ආසයි ඒ ලස්සන කාලේ...


    ඒ සිංදුව මතක් උනා...

    අපූරුයි තාරකාව නිර්මාණය....

    ReplyDelete
  2. ඇත්තටම ඒ කාලේ තමයි හොඳම කාලේ...සුන්දරයි නිර්මාණය...

    ReplyDelete
    Replies
    1. ස්තූතියි පොකුරු වැහි. ආදරෙන් පිළිගන්නවා

      Delete
  3. ඔයාගෙ ඒ කාලේ මගෙ මේ කාලේ.....

    ReplyDelete
  4. ජිවිතේ අපි කවුරුත් ගෙවපු හොදම කාලේ ඒක තමයි. ආයේ ආයේ එනවනම් කියලා මඟ බලාගෙන ඉන්න හිතෙන.

    ReplyDelete
    Replies
    1. ඒක නම් ඇත්ත දිනේශ් අයියා, ඇත්තටම ඒ කාලෙ ආයෙත් එනවනම්.........

      Delete
  5. කෙටියෙන් ම කිව්වොත් මරු..!!!

    හරි රහ කවියක්.. අවුරුද්දකට මෙපිට මෑත අතීතෙ මතක් වුණා..!!

    ReplyDelete
  6. සුපිරියි, පට්ටයි කියල වනන්න තරං ලස්සනක් මං මේකේ දැක්කෙ නෑ. හැබැයි මට තක්ෂිලාව මතක් කරවන්න තරුවට පුළුවන් උණා.මං හිතන්නෙ වෙන්නත් ඕනෙ ඒක තමයි.සෝමතිලක ජයමහගේ මේ සින්දුව අහල ඇති නෙ?

    නෙතු කඳුලින් හස කැනින් මුවා කල
    මිහිරි හැඟුම් පුරවා මන මත් කල
    මගෙ කෙළිලොල් විය ගෙවුණු වගයි....
    මා හැදු පාසල් මවුනි දයාදර //

    ReplyDelete